Buscamos información na biblioteca

Na espera do noso paseo, seguimos aprendendo moito da importancia do bosque caducifolio autóctono que un día tamén cubriu o interior da nosa vila. Aproveitamos e formámonos como usuari@s da biblioteca.

Temos que saber interpretar os números e as letras das etiquetas dos libros: titulo, autor, sección…Divírtenos subir e baixar a escaleira e por fin atopar o tan ansiado libro. Pero o que realmente queremos é tocar as árbores reais.

O Carballal

Os de 3º foron polas aulas preguntando quen coñecía o carballal de Coiro e de 300 alumnos e alumnas  só 23 dixeron que estiveran alí, iso que o noso centro pertence á parroquia de Coiro. Xa temos ganas de ir  pero chove que chove e aínda non toca. Mentres debemos de saber que este lugar é parte do patrimonio natural de Cangas e como tal constitúe un elemento clave de afirmación da nosa identidade.

Guión

Este é o reto co que arrinca a nosa participación no Plan proxecta: 12 meses 12 paisaxes: Coñecer, valorar, conservar e divulgar un espazo natural da nosa contorna: O Carballal de Coiro. Escollémolo porque todo o mundo coñece Cangas polas súas praias, Rodeira, Liméns, Nerga... pero moi poucos son os que saben da existencia deste espazo que acubilla tanta biodiversidade. Convertémolo nun proxecto interdisciplinar a desenvolver ao longo deste curso 2012-2013.